රිටිගල (Ritigala)

රිටිගල අද්භූත ජන විශ්වාස රැසකට මුල්වූ කඳුවැටියක්. රිටිගල මුල් කාලයේ යක්ෂ ගෝත්‍රික ජනතාවක් විසූ ප්‍රදේශයක් බව සමහරු පවසනවා. දැන් අනුරාධපුරයට යන වන්දනාකරුවන් අතරින් සමහරු රිටිගලට පැමිණ එහි සුන්දරත්වය දැක ගැනීමටත් පෙළඹෙන බව පේනවා. ඒ වගේම විදේශීය සංචාරකයන් ද රිටිගලට පැමිණෙනවා. මේ නිසා ඔවුන්ට අවශ්‍ය ආහාරපාන සහ නවාතැන් සපයන හෝටල් කිහිපයක් ද මේ අවට දැකගත හැකියි.

රිටිගලට යන්නේ කොහොමද?

ළඟාවීම හරිම ලේසියි. හබරණ සිට මරදන්කඩවල හරහා දිවෙන අනුරාධපුර මාර්ගයේ කි. මී. 15 දුරින් පිහිටි ගලපිටගල හන්දියෙන් හැරී අතුරු මගක ගමන් කළ යුතුයි. කොළඹ සිට රිටිගල දක්වා දුර කි. මී. 201ක් පමණ වෙනවා. මරදන්කඩවල සිටම ක්ෂිතිජයේ දී රිටිගල කඳුවැටිය අලංකාර දර්ශනයක් මවා පාන අයුරු ඔබට දැකගැනීමට පුළුවන්. මේ අවට වෙනත් කඳු නැති නිසා එය කැපී පෙනෙන දර්ශනයක්. ගලපිටගල ගම්මානයෙන් හැරී මඳ දුරක් යන විට වනය මැදින් වැටී ඇති කොන්ක්‍රීට් දැමූ මාර්ගයකට ඔබ පිවිසෙනවා. මේ මාර්ගයේ අලි ගමන් කරන නිසා උදේ පාන්දරම යාමෙන් වැළකී සිටිය යුතුයි. කොන්ක්‍රීට් මාර්ගය යළිත් ගුරු පාරකට හැරෙනවා. එහි සිට මාවත ඇදී යන්නේ ඝන වන වැස්මක් හරහා රිටිගල රක්ෂිතය මැදින්. මේ මාර්ගය හොඳින් නඩත්තු කර ඇති නිසා මෝටර් රථයකටත් පහසුවෙන් යාමට පුළුවන්. කඳු පාමුල රථවාහන නැවැත්වීමට ස්ථානයක් සකසා තිබෙනවා. ගලපිටගල සිට කඳු පාමුලට දුර කි. මී. 8ක්. අවශ්‍ය නම් මෙහි පිහිටි පුරාවිද්‍යා කාර්යාලයෙන් ඔබට  තොරතුරු ලබාගැනීමටත් පුළුවන්.

ජනප්‍රවාද

රිටිගලට රාවණ සම්බන්ධ වන්නේ මෙහෙමයි. රාවණ තමන්ට කළ මදිපුංචිකමට ප්‍රතිචාරයක්‌ ලෙස ඉන්දියාවේ රාම රජුගේ බිසව වූ සීතා දේවිය පැහැරගෙන විත් ලංකා පුරයේ සුරක්‍ෂිතව රඳවා තැබූ අතර ඇය සොයා පැමිණි රාම රජුගේ සහෝදර ලක්‍ෂ්මන් කුමරු හා යුද්ධයක් හට ගන්නවා. යුද්ධයේ දී ලක්ෂමණ තුවාල වෙනවා. ඒ සමඟ පැමිණ සිටි හනුමන්තා රෝගයට අවශ්‍ය ඖෂධ සොයා ඉන්දියාවේ හිමාලයට ගියත් ඔහුට ඔසුවේ නම අමතක වෙනවා. ඊට පසු ඔසු පැළෑටි පිහිටි ප්‍රදේශයම ගලවා ගෙන අරන් එනවා.  ඒ කඳු කොටසින් කොටසක්‌ කැඩී වැටී  රිටිගල කන්දට යාව පිහිටි ඖෂධ කන්ද නිර්මාණය වී ඇති බව ‌ ජනප්‍රවාදයකින් පැවසෙනවා.

මහාවංශයේ සඳහන් ඉතිහාසය

සංරක්ෂණය කළ බන්දා පොකුණේ ඉවුරු බැම්මක් – කුසුම්සිරි විජයවර්ධන

මේ කඳුවැටිය ආශ්‍රිත ආරාම සංකීර්ණයට දීර්ඝ ඉතිහාසයක් තිබෙනවා. මහාවංශයේ රිටිගල අට්ඨගිරි හෙවත් අරිට්ඨ පබ්බත නමින් සඳහන් වෙනවා. සූරතිස්ස රජු( ක්‍රි. පූ. 187-177) මේ කඳු පාමුල මකුලක විහාරය කරවා තිබෙනවා. ක්‍රි. පූ. පළමු සියවසේ සෙල්ලිපියක අරිට විහාරයට අබදළක නම් වැව පූජා කිරීම ගැන කියැවෙනවා. ලජ්ජතිස්ස රජු( ක්‍රි. පූ. 119-110) අරිට්ඨ විහාරය විශාල කර ප්‍රතිසංස්කරණය තනවා තිබෙනවා. පළමුවන සේන ( ක්‍රි. ව. 831-851) රජුත් මේ විහාරයට අනුග්‍රහය දැක්වූ රජකෙනෙක්. පළමුවන පරාක්‍රමබාහු රජු රුහුණේ මානාභරණට එරෙහිව මේ කඳු ආශ්‍රිතව බලකොටු තනා සේනා සංවිධානය කළ බවත් සඳහන්.

මෑත ඉතිහාසය

ඉංග්‍රීසි පාලන සමයේ 1872 දී ජේම්ස් මැන්ටල් නම් මිනින්දෝරුවා මෙහි මාස තුනක් නැවතී සිට මැනුම් කටයුතු කර තිබෙනවා. 1890 දී අනුරාධපුර දිසාපති ආර්. ඩබ්. අයිවර්ස් කඳු මුදුන ආසන්න තැනිතලා කොටසක නිවහනක් තනවා ගෙන මෙහි සිසිල් දේශගුණයේ පහස ලබාගෙන තිබෙනවා. හෙන්රි ට්‍රයිමන් 1887 දී රිටිගල ශාක ගැන අධ්‍යයනය කරනවා. පුරාවිද්‍යා කොමසාරිස් එච්. සී. පී. බෙල් රිටිගල පුරාවස්තු ගැන අධ්‍යයනය කරන්නේ 1883 දී. මෙහි ලෙන්වල පිහිටි සෙල්ලිපි පිටපත් කළ ඔහු කන්දේ පැතිරී තිබෙන නටබුන් ගොඩනැගිලි සොයා වනාන්තරය පීරා තිබෙනවා. ඊට පසු ඒ තොරතුරු සියල්ල 1883 පුරාවිද්‍යා පාලන වර්තාවට ඇතුළත් කර තිබෙනවා.

රිටිගල මෙතරම් සුවිශේෂී ඇයි?

නුවර කලාවියේ උසම කඳුවැටිය වූ මෙහි උස අඩි 2514ක් (මීටර් 765). අප රටේ මධ්‍ය කඳුකරයත් දකුණු ඉන්දියාවේ කඳුත් අතර පිහිටි උසින් වැඩිම කන්ද රිටිගල නිසා එය භූ විද්‍යාත්මකව විශේෂයි. ඒ වගේම වියළි කලාපයේ පිහිටියත් තෙත් කලාපයේ ශාක රාශියක් වැවෙන සිසිල් දේශගුණයකින් යුක්ත වනාන්තරයක් මෙහි තිබෙන්නේ.  ඒ නිසා වියළි කාලයේ පවා බොහෝ විට රිටිගල මීදුමින් බරව වළා අතර සැඟව තිබෙන අන්දම ද දැකගත හැකියි.

මේ නිසාම රිටිගල වනාන්තරය 1931 තරම් ඈත කාලයකදී දැඩි රක්ෂිතයක් බවට පත් කර තිබෙනවා. දැඩි රක්ෂිතයේ විශාලත්වය හෙක්ටයාර් 1528ක්. එයට අමතරව කඳු පාමුල නටබුන් ආරාම සංකීර්ණය ඇතුළත් අක්කර 690ක් පුරාවිද්‍යා රක්ෂිතයක් ලෙස ප්‍රකාශ කර තිබෙනවා.

රිටිගල කඳුවැටිය තවත් කඳු කිහිපයකින්ම යුක්තයි. ඖෂධ කන්ද, කොඩිගල කන්ද, උණ කන්ද, ආඬියා කන්ද, පළතුරු කන්ද, අමරාපති කන්ද, උල්පත් කන්ද යන කඳු හතක්‌ එයට අයත්.

කටාරම් කොටන ලද ගල් ලෙන් 74 ක්‌ද බ්‍රාහ්මීය අක්‍ෂරවලින් ලියන ලද ශිලා ලේඛන 152 ක්‌ද පුරාවිද්‍යාත්මක අගයක්‌ ඇති විවිධ ගොඩනැගිලි 140 ක පමණ නටබුන්ද විශාල පොකුණක් සහ ශෛලමය පෙත්මගක් ද  අදටත් රිටිගල දී දැක බලා ගැනීමට පුළුවන්. විශාල ගස්වැල් සෙවණේ පිහිටි මේ නටබුන් අප සිත් අතීතයට රැගෙන යනවා.

වනගත නටබුන්

පුරාවිද්‍යා කාර්යාලය අසලින් කන්ද තරණය කළ විට මුලින්ම හමුවන්නේ විශාල පොකුණක්. එය බන්දා පොකුණ නමින් හඳුන්වන්නේ ගල්පුවරු යොදාගෙන බැඳ ඇති නිසායි. මෙම පොකුණ මෑතක දී කැණීම් කර කොටසක් සංරක්ෂණය කර තිබෙනවා. කන්දේ සිට එන ජල මාර්ගවලින් එදා එයට ජලය ලැබී තිබනවා. අදත් එම දොළ පාරේ ජලය ගලා යනු ඔබට දැකගත හැකියි. එහි සිට ඉදිරියට ගමන් කර පිටගැට තරණය කර ගල් පාලමකින් එගොඩවීමෙන් පසු පිවිසෙන්නේ සම්පූර්ණයෙන් කළු ගල් අතුරා සකස් කළ වනය හරහා දිවෙන පෙත්මගකටය. එම පෙත්මග කිලෝ මීටරයකට ආසන්න දුරක් ගමන් කරනවා.

මඳ දුරක් පියමං කිරීමෙන් පසු නටබුන් ස්ථානයකට ළගාවිය හැකියි. එහි පිහිටි ජන්තාඝර ගොඩනැගිල්ල භික්ෂුන්ට ඔසු සහ උණුපැන් ස්නානයට සකසා තිබූ ගොඩනැගිල්ලක්.බෙහෙත් ඇඹරුම්ගල්, ගල් භාජන ආදිය එහි දැකගත හැකියි. ගොඩනැගිල්ල වටේට ගල් ප්‍රාකාරයක් පිහිටා තිබෙනවා. ගොඩනැගිල්ල මැද නාන පොකුණක් ආකාරයෙන් යුත් ගල් බේසමක් සකස් කර තිබෙනවා. මෙයට පෙර අප ගිය අරන්කැලේ දීත් ජන්තාඝරයක් හමුවුණා.  මේ අසල එදා භික්ෂුන් වහන්සේ බවුන් වැඩූ පධානඝර නම් ද්විත්ව වේදිකා ගොඩනැගිලි කිහිපයක් ද පැතිර තිබනවා. ඒවාට එදා උළු සෙවිලි කර තිබූ බව අවටින් හමුවන උළුකැටවලින් පේනවා.

මෙහි සිට යළිත් පෙත්මග ඔස්සේ පියමං කිරීම ඉතා අපූරු අත්දැකීමක්. වන සියොතුන්ගේ හා ගස්වැල් එකට ඇතිල්ලෙන හඬ අසමින් ඔබට ගමන් කළ හැකියි. අවට සංරක්ෂණය නොකළ පධානඝර රැසක් වනයට යටව ඇති අයුරු පේනවා. මඳ දුරක් ගිය විට හමුවන තැනිතලා බිමෙහි ත්‍රිත්ව වේදිකා ගොඩනැගිල්ලක් (පධානඝරයක්) පිහිටා තිබෙනවා. මේ අසලම භාවනා කිරීමට තැනූ සක්මන් මළුවක්ද තිබෙනවා.

මේ අසලින් පුරාවිද්‍යා නටබුන් බිම අවසාන වෙනවා. ඊට පසු ආරම්භ වන්නේ දැඩි රක්ෂිත වනයයි. එයට ඇතුළු වීමට නම් වන සංරක්ෂණ දෙපාර්තමේන්තුවෙන් විශේෂ අවසර ලබාගත යුතුයි.

රිටිගල ජෛව විවිධත්වය

වර්ෂ 1935 දී මෙහි ශාක පිළිබඳ අධ්‍යයනයක් කළ පී. ඩී. ආර්. ජයයූරිය ඕකිඩ් විශේෂ 27ක් සොයාගත්තා. වර්තමානය වනවිට මෙම කඳුවැටියෙන් හමුවී ඇති ශාක විශේෂ සංඛ්‍යාව 418ක්. ඉන් මල් පිපෙන ශාක විශේෂ සංඛ්‍යාව 338ක්. විශේෂත්වය නම් මේ අතරින් විශේෂ 113ක් තෙත් කලාපයේ දක්නට ලැබෙන ඒවා වීමයි. 2008 දී කළ අධ්‍යයනයකදී පක්ෂි විශේෂ 97ක් මෙහි සරන බව හෙළි වුණා. අලියා, වලසා, ගෝනා, කොටියා ඇතුළු ක්ෂීරපායී විශේෂ රැසක් ම මෙහි වාසය කරනවා.

කඳුවැටියේ පහළම කොටසේ (බිම් අඩවිය) වියළි මිශ්‍ර සදාහරිත වනාන්තරමය ලක්‍ෂණ පැතිර තිබෙනවා. මෙම ප්‍රදේශයේ මොර, හල්මිල්ල, කලුවර, වීර, පලු, නා වැනි වියළි කලාපයේ දක්නට ලැබෙන ශාක වර්ග දැකගත හැකියි.

කඳුවැටිය මධ්‍ය කලාපයේ දකින්නට ඇත්තේ තෙත් කලාපීය වනාන්තර ලක්‍ෂණයි. මෙම ප්‍රදේශයේ ඇටඹ, කුඩුදවුලා, ඕමාර, කැන්ද, නා වැනි ශාක සුලභයි.

කඳු මුදුනේ දකින්නට ලැබෙන්නේ උප කඳුකර කලාපීය වනාන්තරවල ස්‌වභාවයයි. නෙලු, බිනර, කැකුණ, දුම් වැනි ශාක වර්ග මෙහි වැවෙනවා.

රිටිගලටම ආවේණික වූ ශාක විශේෂ කිහිපයක් ද  හමුවී තිබෙනවා. රිටිගල තම්බජියා, ගල් කප්පර වල්ලිය, රිටිගල මී යන ශාක ඒ අතර වෙනවා.

මීට අමතරව දුලබ ඖෂධීය ශාක වන ඉරරාජ, සඳරාජ, වනරාජ, නගා මැරු අල, වෙල්ලංගිරිය, බිම් කොහොඹ, ජටා මකුට  වැනි ශාක මෙහි සුලබයි.

මූලාශ්‍ර-

අරිට්ඨ පබ්බත හෙවත් රිටිගල කන්ද – එල්ලාවල මේධානන්ද හිමි
රිටිගල- මුදිත අලහකෝන්
මැකීයන වන පෙත් – ඩග්ලස් බී. රණසිංහ

පරිසරය රැකගන්නත් අමතක කරන්න එපා

යෝකර් පන්දු කරණය

පොලු ගැලවෙන යෝකර් පන්දු කරණය
==================================

ක්‍රිකට් ක්‍රීඩාවේ නිතර දක්නට ලැබෙන අපූරු පන්දු කරණයන්  අතර යෝකර් පන්දු කරණයට (Yoker delivery) හිමි වන්නේ  ඉහල ස්ථානයකි. තරගයක  ඕනෑම මොහොතක ඕනෑම තත්ත්වයක් යටතේ භාවිත කළ හැකි කඩුලු ලබාගැනීමේ උපක්‍රමික පන්දු කරණයක් නිසා වේග පන්දු යවන්නන් යොකර් පන්දු කරණය නිතැතින් භාවිත කිරීමට පෙළඹේ.නමුත්  පිතිකරුවාට තර්ජනයක් වන ආකාරයට හරියාකාරව  පන්දුවක් එල්ල කිරීමට පන්දු යවන්න සතුව පන්දුව කෙරෙහි  මනා පාලනයක් ඉහළ ආත්ම විශ්වාසයක් පැවතිය යුතුය.එල්ලය  වැරදි  එය පිතිකරුවගේ පිත්තට කෙලින්ම ලැබුණු පන්දුවක්  බවට පත්වී ලකුණු ලබා ගැනීමේ අවස්ථා බවට පරිවර්තනය වී පන්දුයවන්නන් බැට කන අයුරු අපට ඕනෑ තරම් ක්‍රිකට් තරඟ වල දැකිය හැක. මෙම අපූරු පන්දු කරණය සඳහා නම ලැබී ඇත්තේ කෙලෙසද ?

1866-1888  අතර කාලයේ එංගලන්තයේ (Yorkshire) යෝක්ෂයර් ප්‍රාන්තය වෙනුවෙන් ක්‍රීඩා කළ  Tom Emmett නම් වමත් වේග පන්දු යවන්නෙක් විය. ඔහු විසින්  පන්දු කරණයේදී පන්දුවට පහර දෙන පිතිකරුවා සිටින සීමාවට සාර්ථක අයුරින් පන්දුව පතිත වීමට එල්ල කිරිමට සමත්කම් දක්වා ඇති අතර අනෙක් ප්‍රාන්ත කණ්ඩායම් Yorkshire ප්‍රාන්තය හා  ක්‍රීඩා කිරීමේදී  Tom Emmett හමුවේ එම පන්දු කරණයට  බහුල වශයෙන් මුහුණ පෑමට සිදු වී ඇති නිසා ඒවා යෝකර් පන්දු (Yoker) ලෙස හැඳින්වීමට එය හේතු වී තිබේ .

ලෝකයේ ඕනෑම දක්ෂ වේග පන්දු යවන්නෙක් පිතිකරුවාගේ  ලකුණු ලබාගැනීමේ වේගය අඩාල කිරීමටත් ඕනෑම මොහොතක  කඩුලු ලබා ගැනීමටත් අප කවුරුත් දන්නා පරිදි මේ පන්දු කරණය වර්තමානයේ බහුලව භාවිත කරන ප්‍රධාන අවියක් බවට පත් වී ඇත.පන්දුව ඉහළින් යොමු කරන පන්දු යවන්නන්ට වඩා හරස් අතට වන්නට පහතින් පන්දුව මුදා හරින වේග පන්දු යවන්නන් (Waqar yunis,Lasith Malinga,Mitchell Starc) අනෙක් වේගපන්දු යවන්නන්ට සාපේක්ෂව වැඩි වාර ගණනක්   යෝකර් පන්දු එල්ල කිරීමට  විශේෂ හැකියාවක් ඇත. ලසිත් මාලිංග මෑත ඉතිහාසයේ පන්දු යවන්නෙකු විසින් එල්ල කරන ලද වැඩිම යොකර් පන්දු ප්‍රමාණයකට හිමිකම් කියන අතර යෝකර් පන්දු කරණයේ රජු (King Of Yokers) ලෙසින් ලොව පුරා ක්‍රිකට් ප්‍රේක්ෂකයන් විසින් ඔහු අභිෂේකයට පාත්‍ර කර ඇත.

පාකිස්තානයේ වකාර් යුනිස් ඉතිහාසයේ ඉතා ප්‍රබල යෝග යෝග වීම පිළිබඳ නමක් තබා ඇත

ඓතිහාසික පුවත්

සෝගෙන් කාටෝ සිය 111 වන උපන්දිනය සමරා තිබිණි. 2010 වසරෙහි ජූලිය වනවිට ජපානයේ වයස්ගතම මිනිසා ව සිටි කාටෝ ගේ සුවදුක් විමසීමේ අටියෙන් ජපන් නිළදාරී හූ ටෝකියෝ හී අඩාචී වෙත ළගා විය. කාටෝ පරපුරම ජීවත් වූ නිවාස සංකීර්ණයෙහී පහතම මාලයේ වූ මහල්ලාගේ කාමරය සුරැකිව අගුළු ලා තිබීමත් පවුලේ සාමාජිකයන්ගේ සැකසහිත හැසිරීමත් හේතුවෙන් වහා ටෝකියෝ පොලීසිය කැදවීමට නිළධාරීහූ තීරණය කළහ.

අගුළු කඩා කාමරයට ඇතුළු වූ සැණින් දුහුවිල්ලෙන් බර වූත් දුර්ගන්ධයේ තාපයෙන්  නාස් පුටු දැවුවා වූත් අභ්‍යන්තරයෙහි මකුළු දැලෙන් කිටි කිටියට වියා සගවා තැබුවා වූ රහසක් සැණින් නිරාවරණය විය. සෝගෙන් කාටෝ මියගොස් තිබිණි. අද හෝ ඊයේ හෝ පසු ගිය සතියෙහි හෝ නොව වසර ගණණාවකට පෙර මියගොස් තිබිණි.

අංක කැරකැවිය හැකි ඉපැරණි දුරකථනයක් හා 1978 වසරට අයත් පුවත්පත් රාශියක් හැරුණු කොට කාමරයේ වූයේ බ්ලැන්කට්ටුවකින් වසා පිජාමා කලිසමක් අන්දවා තැබුවා වූ දිරාපත් ඇටසැකිල්ලක් පමණි. ජපානයෙහි වයස්ගතම මිනිසා දිරාගිය ඇටසැකිල්ලක් බැව් හෙළිවිය.

කාටෝගේ දියණිය සහ මිණිපිරිය වහා අත් අඩංගුවට ගැණිනි. වැඩිදුර ප්‍රශ්ණ කිරීමේදී වර්ෂ 1978 හි නොවැම්බරයේ දිනෙක කෙතරම් දොරට තඩි බෑ මුත් පියාණෝ දොර විවර නොකළ බවත් එවකට ජීවත් වූ සිය මෑණියන්ගේ ඉල්ලීම පරිදි දොර පිටතින් අගුළු ලා සදාතනික සැතපීමෙහි සුවය ලබාදුන් බවත් අසූහැවිරිදි දියණිය හෙළි කර සිටියාය. පියාණන් නින්දෙහි සතපා තබා ජේෂ්ඨ පුරවැසි විශ්‍රාමික වැටුප අඛණ්ඩව ලබාගෙන තිබූ කාටෝවරුන් ඒ වන විට ජපන් රජයට වංචා කරතිබූ මුළු මුදල ජපන් යෙන් මිලියන 9.5කි. (ඇ.ඩොලර් 117,939ක්)

2010 හි නොවැම්බරයේ කැදවූ නඩු විභාගයේදී 
සෝගෙන් කාටෝ ගේ දියණිය ටොකිමි කාටෝ වැරදිකාරිය වූ අතර ඇයට වසර දෙකහමාරක සිර දඩුවම් නියම විය. නමුත් ඉන් සියල්ල අහවර විය හැකිද?

වහාම ජපානයේ වයස්ගතම ගැහැණිය වූ 113 හැවිරිදි ෆුසා ෆුරූයා පිළිබද සොයා බැලිණි. එහිදී ෆුරූයා දියණිය පවසා සිටියේ සිය වයස්ගත මෑණියන් වසර විසිපහකින් මෙහා නොදුටු බවත් දහසකුත් වැඩ රාජකාරීන් මධ්‍යයේ ඇය පිළිබද විමසීමක් හෝ සිය මනසට නොම ආ බවත්‍ ය. ඇය කෙසේ කොහේ හෝ වෙසෙතැයි පමණක් තමන් අපේක්ෂා කරන බවත් ඒ පිළිබද විමසා සිය වටිනා කාලය නිකරුනේ කාබාසිනියා නොකරන ලෙසත් ඇය වැඩිදුරටත් ඉල්ලා සිටියා ය.

ජපානයේ වයස්ගත මිනිසුන්ගේ වාර්තා බොහොමයක් පුස් කෑ පිටු අතර සිර වූ ලේඛණමය සත්‍යයක් බවත් මහපොළව මත එය ලැජ්ජාසහගත මිත්‍යාවක් බවත් හෙළි විය! වයස අවුරුදු සියය ඉක්ම වූ මිනිසුන් 234,354ක් පිළිබද වාර්තා වෙතත් උන්ගෙන් බොහොමයක් දෙවන ලෝක යුධ සමයේම අතුරුදන් වූවන් බැව් අනාවරණය වීමෙන් සංඛ්‍යාලේඛණ පිටු අතරේ කරවටක් ගිලි නිළධාරීහූ ඉන් හුස්ම හිර කරවාලූ භ්‍රාන්තියකට පත්විය.

ජපන් ජනගහණයෙන් 23.1% ක් වයස අවුරුදු 65 ඉක්ම වූවන් බවත් 11.1% ක් අවුරුදු 70ක් ඉක්මවූවන් බවත් වසර 2050 වනවිට ජපන් ජනගහණයෙන් තුනෙන් කොටසක් වයස්ගත මහල්ලන් වනබවත් ගණන් බලා ඇති සත්‍යයකි. උන්ගෙන් බොහොමයක් හුදෙකලාව කුඩා කාමර වල තනි වී සිටින බවත් ඇතැමුන් සිය දරුවන් දශක ගණනාවක් මෙහා වර්තමානයෙහි ඇස ගැටී නොමැති බවත් නාගරික වැසියන්ගෙන් බහුතර‍ය සිය දෙමාපියන් කොහි වේදැයි අවංකව නොදන්නා බවත් ජපනුන් පසක් කරගෙන ඇති සත්‍යයකි.

හුදෙකලා ආර්ථිකමය වර්ධනය සුන්දරය. නමුත් ඒ තුළ ඔබ වැදූ අක්මුල් සැගව යන සත්‍යය අසුන්දරය. හිරිකිතය. එනිසාම ඒ සත්‍ය   උසම උස ගොඩනැගිල්ලක පාමුළ හෝ මනස්කාන්ත උමං මං කොනෙක සගවා අප කෲතීම සන්තෝෂයක් උපයා ඇත.

ඉන්න රට, යන්න හිතෙන රට මෙන් සුඛෝපභෝගී නොවිය හැක. නමුත් ඉන්න හිතෙන්නට එකමෙක හේතුවක් ඇත! ඒ අම්මාය! තාත්තාය!

මිතුරනි, හැරදා නොයන්න.

එකගෙයි කෑම යනු

එකගෙයි කෑම යනු 👈
~~~~~~~~~~~~~

 එකගෙයි කෑම පිළිබඳ ව කොතෙක් මතිමතාන්තර තිබුණ ද මෙය අපගේ සම්මත විවාහයක් ලෙස පිළිගැනීමට ලක් ව තිබුණ බව පෙනේ. එහෙත් බොහෝ විට අභ්‍යන්තර ගැටලු පැවති බවද අනාවරණය වේ. විශේෂයෙන් ම කාන්තාවන් දෙදෙනකු එකගෙයි කන විට නොයෙකුත් ගැටලු පැන නැඟී ඇති බව අතීත තොරතුරුවලින් අනාවරණය වෙයි. පිරිමි දෙදෙනකු එකගෙයි කන විට බොහෝ විට බාල සොයුරාගෙන් පවුල් දිවියට ගැටලු මතුවී ඇති බව පෙනේ. කෙසේ වෙතත් ගැහැනු දෙදෙනා අතර මතුවන ගැටලු විසඳීමට පිරිමියාත් පිරිමි දෙදෙනා අතර මතුවන ගැටලු විසඳීමට ගැහැනියත් මූලිකව ක්‍රියා කළ බව පෙනේ. දේපළ තත්ත්වයන් හෝ සිරිත් විරිත් අණ තහංචි කොතෙක් බලපෑවත් මානුෂික හැඟීම් හා කායික අවශ්‍යතා හේතුවෙන් මෙබඳු විවාහයන්හි අභ්‍යන්තර නොසන්සුන් බව නම් නිරන්තර ව පැන නැඟී ඇත.

පාරම්පරික විවාහ ක්‍රමය අනුව දීග විවාහ බින්න විවාහ ආදිය ප්‍රමුඛ වන අතර එකගෙයි කෑමේ විවාහ ක්‍රමය ගැන ද සඳහන් වෙයි. එකගෙයි කැම යනු එක ම ගෙයක සහෝදරයන් දෙදෙනකු එක් කාන්තාවක් සමඟ දීග කැමයි. මෙය බොහෝවිට උඩරට ධනවත් පවුල් අතර පැවැති අතර පසුකාලීන ව සාමාන්‍ය පවුල් අතරට ද ව්‍යාප්ත වූ බව පෙනේ. පවුලේ ධනයට උරුමකම් ඇති සොයුරන් දෙදෙනකු කාන්තාවන් දෙදෙනකු කැන්දන් ආවිට ඒ දේපළ දෙකට බෙදීයයි. මේ තත්ත්වය වැළැක්වීමට සොයුරන් දෙදෙනා සඳහාම එක කාන්තාවක් පාවාදීම සිදුවිය. මේ තත්ත්වය ද ක්‍රම තුනකින් සිදුවූ බව පෙනේ.
1. සොයුරන් දෙදෙනකුට එක කාන්තාවක්.
2. සොයුරියන් දෙදෙනකුට එක ස්වාමිපුරුෂයෙක්.
3. සොයුරන් දෙදෙනකු විවාහ දෙකක් කරගෙන එක් සොයුරකුගේ අඹුව මිය ගිය පසු දරුවන් නොමැති අවස්ථාවලදී වැන්දඹු වන පුරුෂයා ද සොයුරාගේ බිරිය සමඟ එක් ව පවුල් කෑම.
කෙසේ වතුදු මේ කුමන තත්ත්වයක් යටතේ වුවද එකගෙයි කෑමේදී පුරුෂයන් දෙදෙනා විසින් පිළිපැදිය යුතු චාරිත්‍ර කීපයක් ඇත. එය සම්මතයේ පැවත එමින් එහෙත් අප්‍රසිද්ධ ව තිබුණු සිරිත් ය. ධනය මුල්කොටගෙන ආරම්භ වූ විවාහ ක්‍රමයක් වුවද මෙය ලිංගිකත්වය මූලික වූ ක්‍රියාවලියක් නිසා මේ තත්ත්වය ප්‍රසිද්ධියේ කියා පෑමට බොහෝ අය මැළි වූහ. විවාහයට අදාළ ගැහැනිය හෝ පිරිමින් දෙදෙනා වුවද නිහඬ ව එළැඹෙන තත්ත්වයට මුහුණ දුන්හ. එහෙත් කිසිවිටක සම්මතයට පිටු නොපෑහ. එහිදී ඔවුහු එදිනෙදා ජිවිතයේදී මේ තත්ත්වය පිළිබඳ අවබෝධයෙන් කටයුතු කළහ.
1. ගොවිපළේ සිට හෝ වෙනත් ගමනක් බිමනක් ගොස් ගෙට එන විට තමන් පැමිණි බව දැනුවත් කිරීම සඳහා ශබ්ද කිරීම (උගුර පෑදීම – බල්ලකුට පූසකුට මහ හඩින් කතා කිරීම හෝ වෙනත් උචිත යමක් කිරීම)

2. පිළ් බිත්තියේ ගසා ඇති මුව අඟේ හෝ වෙනත් පේනමානයේ තැනක සොයුරාගේ දිය කෝනම (අමුඩේ) ඇත්දැයි විමසිලිමත් වීම, එබඳු තැනක අමුඩය ඇති විට සොහොයුරා ගෙයි ඇතුළේ සිටින බව අනෙකා අවබෝධ කරගනී.
3. සිය අවශ්‍යතා පිළිබඳ ව කාන්තාව සමඟ කතා කොට නිසි දින වකවානු හෝ කාල වේලාවන් පිළිබඳ ව දැනුම්වත් වීම.
4. සහෝදරකම දැඩි ව ආරක්ෂා කරගැනීම හා වැඩිමහල් සොයුරාගේ අභිමතයට හිස නැමීම.
මේවා සොයුරන් දෙදෙනකු එක ගෙයි කන විට පැවැති චාරිත්‍ර වූ අතර සොයුරියන් දෙදෙනකු එක සැමියකු හා වසන විට මීට තරමක් වෙනස් පිළිවෙත් අනුගමනය කළහ. සැමියාගේ අවශ්‍යතා පිළිබඳ ව සැලකිලිමත් වෙමින් ඊට මුල් තැන දෙන සෝයුරියන්
”අරයා අද හේනට යන්ඩ මට කතාකරනවා”
”අරයා කතා කරනවා මං බලලා එන්නන්”
අරයට ඔලුවේ කැක්කුමයිලු. මම ඉසේ තෙල් ටිකක් ගාලා එන්නන්”
වැනි කතාබහකින් සැමියාගේ ඉල්ලීම ඉටු කිරීමට පෙර සොයුරියන් තීන්දු ගනී. ඒ හැර එක් සෝයුරියක් ගෙයි සිටින විට ඇයගේ ඇඳි වතක් (චීත්තයක්) දොර ලෑල්ලේ වනා තිබීමෙන් අනෙක් සොයුරිය දැනුම්වත් කරනු ලැබේ.
එකගෙයි කෑම පිළිබඳ ව කොතෙක් මතිමතාන්තර තිබුණ ද මෙය අපගේ සම්මත විවාහයක් ලෙස පිළිගැනීමට ලක් ව තිබුණ බව පෙනේ. එහෙත් බොහෝ විට අභ්‍යන්තර ගැටලු පැවති බවද අනාවරණය වේ. විශේෂයෙන් ම කාන්තාවන් දෙදෙනකු එකගෙයි කන විට නොයෙකුත් ගැටලු පැන නැඟී ඇති බව අතීත තොරතුරුවලින් අනාවරණය වෙයි.
පිරිමි දෙදෙනකු එකගෙයි කන විට බොහෝ විට බාල සොයුරාගෙන් පවුල් දිවියට ගැටලු මතුවී ඇති බව පෙනේ. කෙසේ වෙතත් ගැහැනු දෙදෙනා අතර මතුවන ගැටලු විසඳීමට පිරිමියාත් පිරිමි දෙදෙනා අතර මතුවන ගැටලු විසඳීමට ගැහැනියත් මූලිකව ක්‍රියා කළ බව පෙනේ.
දේපළ තත්ත්වයන් හෝ සිරිත් විරිත් අණ තහංචි කොතෙක් බලපෑවත් මානුෂික හැඟීම් හා කායික අවශ්‍යතා හේතුවෙන් මෙබඳු විවාහයන්හි අභ්‍යන්තර නොසන්සුන් බව නම් නිරන්තර ව පැන නැඟී ඇත.

මගේ ය කියන සහකාරයා හෝ සහකාරියට අපේ ය කීමට තරම් උපේක්ෂා සහගත මිනිකම් පවතිනුයේ අතලොස්සකි. මේ මානුෂික යථාර්ථය තුළ මෙබඳු පවුල් ජීවිත හැම අතින් ම සාර්ථක එකක් ය යන්න හිතලු කතාවකි. එහෙත් එවකට පැවැති සමාජ ආර්ථික තත්ත්වයන් තුළ මේ වැනි විවාහ පවත්වාගෙන ගිය සොයුරන් හෝ සෝයුරියන් තුළ උපේක්ෂා සහගත බව මැනැවින් පැවති බව සිතාගත හැකි ය. අනෙක් කරුණ දේපළ පිළිබඳ ව පැවැති ආශාව හා සමාජ චාරිත්‍ර විසින් මේ පවුලේ මානව ත්‍රිත්වය කිසියම් හික්මීමක් සහිතව දිවි ගෙවූ බව නම් පෙනේ.
මේ එකගෙයි කෑම සඳහා පිරිමි දෙදෙනකුට දීග යාමට ගැහැනිය අකැමැති වුව ද දෙමව්පිය බලපෑම මීට හේතු වූ බව පෙනේ.
අනෙක් කරුණ නම් තරුණිය දීග යන්නේ පවුලේ වැඩිමලාට ය. ලෝකෙට එසේ කීවද සිදුවන්නේ වෙනත් දෙයකි. මේ සියලු තත්ත්වයන් බාහිර ලෝකයෙන් වසන් කොට තබාගත් අතර පැවැත්මේදී බාහිර ලෝකය මේ තත්ත්වය අවබෝධ කරගත්හ.
අය්යාට දීග ගේනවා කියමින් ගෙට ගෙන ආ තරුණිය පිළිබඳ ව මලයා තුළ පවතින්නේ වෙනත් ආකාරයේ හැඟීමකි. එහෙත් බාල සොයුරා එකගෙයි කෑම කෙරේ යොමු කර ගැනීමට මුල් විය යුත්තේ කාන්තාවයි. වැඩිමල් සෝයුරා ඊට අනුබල දෙමින් කටයුතුª කිරීමට වග බලා ගත යුතුය. ඒ අනුව එකගෙයි කෑමේදී බොහෝවිට වගකීම් දරන්නේ වැඩිමහල් සොයුරා ය.
දරුවන්ගේ පියා වන්නේ ද ඔහු ය. මේ සියලු තත්ත්වයන් දෙස බැලීමේදී එකගෙයි කෑම යනු උපේක්ෂා සහගත තිදෙනකුගේ එකමුතු පැවැත්මක් බව නම් නොකියාම බැරි ය.
උපුටා ගැනීමකි

ලාන්කාවෙ දේශපාලනය

ලංකාවේ දේශපාලනය දේශපාලනයේ ආරම්භය සිදුවන්නේ ඉංග්‍රීසි ඉංග්‍රීසීන් විසින් ශ්‍රී ලංකාව අතර 1946 පෙබරවාරි 4 වෙනිදා ලංකාවට නිදහස ලබා දීමෙන් පසුව  ඉංග්‍රීසීන් විසින් ලංකාව සිංහලයන් අතට ලබා දෙන විට ශ්‍රී ලංකාවේ ආර්ථිකය අතිරික්තව පැවතුණි එහෙත් 1948 2019 අතර කාලය අතරතුර දී එක් එක් දේශපාලන මතිමතාන්තර සමග ගැටුණු ආර්ථිකය මුළුමනින් ආිකය මුළුමනින් ම විනාශ විය අතිරික්තයක් පමණක් තිබූ ආර්ථිකය ඉපදෙන්න ළමට පවා ලක්ෂ ගානක ණයක් ගෙවන්නට තරම් මහා පාපයක් විය ගැනත් පොඩ්ඩක් හිතන්න 

මෙය සමාජ මාධ්‍ය  තුල  ප්‍රචාරය වූ එක් ලිපියකි මෙහි ඇති සියලු දේ හොඳින් කියවා බලන්න අපි කොතරම් එදා නිදහසෙනි දිනාගත්තොත් එන්න එන්නම ලංකාව කොතරම් වැටී ඇත්දැයි බලන්න ඉංග්‍රීසියෙන් මෙය පාලනය කළේ තනි ආණ්ඩුවක් ලෙසටයි එහෙත් දැන් ලංකාවේ අටදාස් 8900 ගණනක් මන්ත්‍රීවරුන් සිටියදීත් ලංකාව දියුණු වන්නේ වන්නේ නැත්තේ ඇයිද දසිතීමට කාලයයි මේ එළඹ ඇත්තේ එක මන්ත්‍රීවරයෙකුට පාලනය කිරීමට ඇත්තේ වර්ග කිලෝමීටර මීටහතක් පමණි ඔබ තවත් දේශපාලන පාට පක්ෂ බදාගෙන සිටිය හොත් ඔබගේ දරුවාට යන කලක් නොමැත පසුඔබෙන්  කිසිම දිනක ලංකාව ගොඩ ගැනීමට කෙනෙකු නො පැමිණිය හැක පාට සඳහා මරා ගැනීම මෙතනින් නවතන්න එකතුවන්න ලංකා හදන්න සුන්දර ශ්‍රී ලංකාවක්ඒ ඉන්න හිතෙන රටක් ඒ වගේම සාමයෙන් පිරි මාතෘ භූමියක් දේශපාලනයට යට නොවූ මිනිසුන් පිරිසක්